तुझी चाहूल..!

रिमझिम बरसणारे थेंब जणू

तुझ्या येण्याची चाहूल होती..

पावसाच्या थेंबांचा स्पर्श जणू

तुझ्या स्पर्शाचा भास करीत होती...

नभात दडलेल्या मिट्ट काळोखात जणू

तूच लाजतांना दिसत होती..

अधूनमधून वाटणाऱ्या वाऱ्यात जणू

तुझ्या आवडत्या प्राजक्ताची बरसात होती..

कातर वेळच्या मंद प्रकाशात जणू

मला तुझीच साथ होती..

तुझी चाहूल लागायला फक्त पावसाचे निमित्त होते..

मला तुझी आठवण तर रोजचीच होती..