तुच कर्ता करविता

तुच कर्ता तू करविता

तुच कर्ता करविता

भाव भोळ्या भक्तीची

आस जिव्हारी लागता

हाक देई काळजाची

तुच कर्ता करविता

देह झिजला कष्टाने

मन दु:खात हारता

एक नाम तूझे ओठी

नको ती सचोटी आता

येई उमाळा ना तुज

मनी झरा ओझरता

उषा संचिताची हासे

आशा ह्रदयी वसता

राहो चित्ती नाम सदा

तुच कर्ता करविता

भेगा जीवना पिडता

तूच औषध हो आता

वार घोर निराशाचा

घाव काळाचा झेलता

दोष नसे तो कुणाचा

तुच कर्ता करविता

देवा तुझ्या गाभार्यात

भाव भक्तिला मुकला

तुच कर्ता करविता

मर्म मजही कळला