तृष्णा
तृष्णा
तृष्णा भासे मानवाला
विविधच प्रकारची
कधी कुणाला भेटीची
तर कुणाला साथीची
किती वर्णावे प्रकार
तृष्णा प्रेमाची मायेची
असे वंचित मातेला
दशा त्याच्या दुर्भाग्याची
दूर असे प्रियकर
तृष्णा तिजला भेटीची
आस लागे अंतरासी
तगमग हो मनाची
तृष्णा जलाची मानवा
जीवनच होय जल
पाण्यासाठी दाही दिशा
चाले कांता हतबल
तृष्णा नको व्यसनाची
घात करी शरीराचा
तृष्णा नकोच पैशाची
घात करी जीवनाचा
दोन वेळ दे भोजन
देई तांब्याभर पाणी
देई पोटापुरतेच
नको तृष्णा मनमानी
तृष्णेनेच अवाजवी
झाला मानव दानव
आता तरी हो सावध
जप रे मनू साकव