तीला काही सांगायचे

घरासाठी ती राबते

नाही आराम तिजला

तिला काही सांगायचे

कधी कळणार तुला  १

सदा विचार सर्वांचा

करी ती काबाडकष्ट

तिला काही सांगायचे

समजावे भाव स्पष्ट  २

मातृभाव दैवी तिचा

अलौकिक आहे खरा

तिला काही सांगायचे

भाव तिचा जाणा जरा  ३

सखी असते राजाची

प्रेम अत्यंत करते

तिला काही सांगायचे

हेच गुपित असते   ४

लेक लाडकी पित्याची

होते सासरची सून

तिला काही सांगायचे

सांगे मी मनापासून  ५