ती आणि मी
ती आणि मी
ओठांनाही तिच्या आता उसंत कुठे
नाव माझेच ती सदा गुणगुणत आहे
नको ती आश्वासने खोटी नात्यात आपल्या
तुझ्या आठवणीच मनात घर वसत आहे
अश्रूंचेही ती कोवळी फुले बनली आता
तुला बिलगून बिचारी जास्तच उमलत आहे
हात घेतला तिचा काल हातात माझ्या
ती फक्त गुलाबी गालात हसत आहे
नजरेची भाषा बोलू तरी कशी मी तिला
विषय टाळण्याची सवय तिला अवगत आहे
स्वप्न राहील अधुरे की होईल पूर्ण आता
स्वीकार प्रेमाचा फक्त तुझ्या मनात आहे
कधीतरी भेटशील पुन्हा या आयुष्यात
वाट पुन्हा तुझी या वाटेवर बघत आहे