स्वप्नातील भारत

स्वच्छ आणि सुंदर भारत

असेल स्वप्नातील भारत ।।धृ।।

रंक, राव नि महंत जोगी

सारे असावे सदा निरोगी

सुदृढ शक्तिमान भारत ।।१।।

नसतील कोणी भ्रष्टाचारी

बेईमान आणि अविचारी

सत्यनिष्ठ नि सच्चा भारत ।।२।।

शिकून सारे मोठे होतील

देशासाठी सज्ज असतील

सर्वक्षेत्री महान भारत ।।३।।

मंदिर, मस्जिद, गुरुद्वारा

भेदाला इथे नसेल थारा

सदा सर्वदा एक भारत ।।४।।

आईवडिल देवासमान

हेच संस्कार, हेच शिक्षण

श्रेष्ठ संस्कृती श्रेष्ठ भारत ।।५।।