"सोड सोड तंबाखू"

तुला रे कितीदा सांगायचे रे 

तुला रे कितीदा सांगायचे...||धृ||

कितीदा हाती तू तंबाखू घेतोस

चुना लावून त्याला मळतोस

तोंडात ठेवून चघळतोस रे

तुला रे कितीदा सांगायचे...||१||

तंबाखूत आहे विषारी निकोटीन

तुझ्या शरीरात जाते ते लाळेतून

कॅन्सरचा धोका ओळख तू रे

तुला रे कितीदा सांगायचे...||२||

ह्रदय,फुफ्फुसे,ओठ अन् दात

अवयवांची या अनमोल किंमत

अवयव निकामी होतील की रे

तुला रे कितीदा सांगायचे...||३||

तंबाखू खाऊन पचकन थुंकतोस 

भिंती,रस्ते लाल लाल करतोस

सौंदर्य त्यांचे तू बिघडवतोस रे

तुला रे कितीदा सांगायचे....||४||

सिगारेट,चिलीम,तपकीर,विडी

तंबाखूचीच तर ही नवी पिढी

धूम्रपानातही तंबाखूच की रे

तुला रे कितीदा सांगायचे...||५||

तंबाखूचे व्यसन शरीराला घातक

आयुष्य बरबादीचे लागेल पातक

तंबाखूविन सुंदर जीवन जग रे

तुला रे कितीदा सांगायचे....||६||