संकल्प...

तिच्यासमोर प्रेम व्यक्त करण्याचा

काही केल्या कधी पूर्ण झालाच नाही

वर्षे बदलत गेली आणि

प्रत्येक वर्षातील ती ही बदलत गेली

कॅलेंडरसारखी...

कॅलेंडरच्या नावासारखा मी एकच होतो

फक्त बदलेल्या वर्षासारखी ती होती.

त्या कॅलेंडरसारखे माझे ही अंतरंग

प्रत्येक वर्षी बदलत होते...

मी प्रत्येक वर्षी नव्याने दुसरीच्या

प्रेमात पडत होतो...

प्रेम व्यक्त करण्याची

हिंमत गोळा होईपर्यत

ती दुसऱ्याची होत होती 

ती दुसऱ्याची झाल्यावर

एक वर्ष संपत असे...

असेच संकल्पा मागून संकल्प

अपूर्णच राहत होते...

कदाचित संकल्प हा

पूर्ण करण्यासाठी नसतोच

असेही वाटून जायचे

प्रत्येक वर्षाच्या

शेवटच्या दिवशी ...