देह...

झाले असेल तुझ्या देहाचे

त्याच्या देहाशी मिलन

पण आजही तुझ्या देहाचे

आकर्षण आहे माझ्या देहाला

देहाचे ते देहाला काय

आकर्षण असावे कळत नाही मला

तुझ्या आणि माझ्या

देहातील तत्वे सारखीच आहेत

तुझ्या आणि माझ्या शरीरातील

फक्त काही अवयव निराळे

फरक पाहिला तर कदाचित

सुंदर दिसण्याचा असेल

एकाच मातीतून घडलेल्या

दोन मुर्त्या सारख्या कोठे घडतात

तुझ्या देहाशी ज्या देहाचे मिलन झाले

तो देह ही काही वेगळा नाही

त्या देहालाही तेच अवयव आहेत

जे माझ्याही देहाला आहेत

फरक फक्त इतकाच

आमची कर्मे निराळी आहेत

पण आपले तीनही देह

शेवटी मिळणार एकाच तत्वात

त्यातून जन्माला येतील

पुन्हा पुन्हा नवीन देह

पण भावना तीच असेल

एक देह मिळविण्याची