संकल्प करु नव वर्षाचे....!
संकल्प करु नव वर्षाचे....!
नववर्षाचे झाले आगमन
स्वागत त्याचे उत्सुकतेने करू
काही संकल्प यावर्षी धरु
मनी दृढ निश्चय करु
वर्ष सरते नेहमीप्रमाणे
संकल्प सुरू पुन्हा नव्याने
हेच घडे नित्यनियमाने
संकल्प या वर्षी पुन्हा करू
या करू संकल्प मानवतेचा
नाही विसरणार धर्म स्वतःचा
अन्यायाविरुद्ध फोडू वाचा
करा संकल्प हाच मनाचा
संकल्प करू पुस्तक वाचण्याचा
त्यावर थोडे चिंतन करण्याचा
चांगल्या कर्माचे अर्पण ह्या जगाला
हाच संकल्प करु या नववर्षाला
गोरगरिबांना हात देऊ
दीनदुबळ्यांची मदत करू
हा संकल्प न मोडण्याचा
प्रथम हाच संकल्प करू
हा संकल्प न मोडण्याचा
प्रथम हाच संकल्प करू....