समुद्र लाटा

समुद्र लाटा

बघायच्या जवळुन

चला जाऊ 

समुद्र किनारी!

गजबजलेला माणसांनी

समुद्र किनारा भरला

वाळुत पाय टाकताच

कोणी घाबरुन ओरडले

तर कोणी आनंदून!

 तासोन तास 

समुद्र किनारी

फिरत होते कोणी!

त्रास त्या टाळ्यावाजवून 

अंगाला हात लावणार्यांचा

तर कोणाचे ते चिमुकले हात

खाऊसाठी पैसे मागणार्यांचा!

तरी ही मग्न त्या समुद्र लाटांशी खेळण्यात!

तेवढ्यात अनर्थ घडला

आली ती उंच लाट 

घेऊन गेली त्या चिमुकलीला

नको म्हणत होते ते गार्ड

पण आईबाबांचा हट्ट फार!

क्षणात घडले असे काही

हसणारी ती चिमुकली

दिसली नाही परत कधी!

घेतला धडा 

नाही हुशारी दाखवायची निसर्गापुढे!