सहवास तुझा

शब्द माझेच होते

तरीही तुझा अबोला

मात्र कायम होता

हृदय माझं होतं

पण स्पंदने

मात्र तुझी होती

हल्ले तू केले

पण उध्वस्त

मात्र मी झालो

तुझी साथ

मला लाभेल याचा

विचार अजून केला नव्हता

सहवास

मात्र तुझा

लाभला होता

दुष्काळातसुद्धा

☔पाऊस

पडला होता

इंद्रधनू

सुद्धा

नटला होता

असा

सहवास तुझा

मला लाभला होता

सोसाट्याचा वारा अलगद

कानावर

पडला होता

आवाज तूझा ऐकताच

ज्वालामुखीचा

उद्रेक झाला होता

तुझ्या येण्याच्या चाहुलीने

झाडे वेली

सजल्या होत्या

पुष्पगुच्छ

घेऊन हातामध्ये

स्तुतीसुमने उधळत होत्या

असा सहवास

तुझा मला लाभला होता...