श्री कामाक्षी देवी

श्री कामाक्षी देवी करतो भावे 

तुजला मी साष्टांग नमस्कार 

तुझ्या कृपेने कर तूं देवी 

चांगला असा चमत्कार 

हजारो भाविक तुझ्याकडे 

तुला नमस्कार करायला 

अमावास्येच्या खास दिवशी 

येतात तुला भेटायला 

मागण्या त्यांच्या होतात पूर्ण 

काढतात ते पाच प्रदक्षिणा 

मनोभावे तुझी सेवा करून 

देतात ते भक्तीने दान दक्षिणा 

महाप्रसादाचा लाभ घ्यावा म्हणून 

ओळीने एका उभे राहातात 

शिस्तीने तिर्थप्रसाद घेऊन 

भक्तीभावाने ते खातात 

कामाक्षीआईची कृपा अपरंपार 

हे माहीत झाले जनांना 

जेव्हां जेव्हां धार्मिक विधी 

तेव्हां होते गर्दी पर्वांना 

प्रसन्न हो हे देवी कामाक्षी 

ठेव अशीच कृपा पामरांवर 

तूच अमुची आहेस आई 

सारी भिस्तच तुझ्यावर