श्री गणेशा
श्री गणेशा
प्रथम वंदिते । गणपती तुला ।
विद्या दे ना मला । गजानना ।।१ ।।
आले दर्शनाला । देवा गजानना ।
करते वंदना । मनोमनी ।।२ ।।
दीनाचा कैवारी । कृपेचा सागर ।
भक्तांचा आदर । विनायका ।।३ ।।
बुध्दी दे सकलां । परोपकारांची ।
ती सद् गूणांची । गणाधिशा ।।४ ।।
गणेश चतुर्थी । आनंदी गोंधळ ।
भक्त ते सोज्वळ । गुण गाया ।।५ ।।
देवा श्री गणेशा । तू विघ्न हरता ।
दुःख निवारता । विघ्नेश्वर ।। ६ ।।
महा गणेशा । गौरीच्या तनया
मंगल मोरया । गणपती ।। ७ ।।
विद्येचा नायक । तूच विद्याधर ।।
कटी पितांबर । वृक्रतुंड ।। ८ ।।
गणेश जयंती । जन्म उत्सवाचा ।
महा सोहळ्याचा । गणेशाचा ।।९ ।।
निरंतर तुझी । राहो कृपा दृष्टी ।
सकलां संकटी । हे गणेशा ।।१० ।।