शिक्षक

जीवनाच्या वाटेवरी

शिक्षक असतो खरा

संस्काराच्या ठेवणीचा 

असतो वाहता झरा ||१|| 

जीवना देई आकार

मूर्ती छान घडवितो 

कारागीर हा कुशल 

कष्ट सारे उचलतो ||२|| 

शिक्षक नाही थकत 

ज्ञानदान करताना

आनंद वाटे तयाला 

सदैव शिकविताना ||३|| 

काळ्या फळ्यावरी दिला 

कानमंत्र जिंकण्याचा 

शिकविले विद्यार्थ्यांना 

दिला सागर ज्ञानाचा ||४|| 

जीवनाचा खरा अर्थ 

तुमच्यामुळे कळावा

आई नंतर प्रथम

मान गुरुस मिळावा ||५||