शब्द तुझ्यासाठी

नाव तुझे मेहंदीत काढूनी

 हात मेहंदीने लाल झाले

 जुळून आल्या रेशीमगाठी

 प्रेम आपले आता पूर्ण झाले

 शब्द ते माझे तुझ्यासाठी.....

 हळद लागली माझ्या अंगाला

 तुझ्याच नावाची अन रूप आले

 फुलून आले आज हृदय माझे

 नाते आपले आता पूर्ण झाले

 शब्द ते माझे तुझ्याचसाठी.....

 मांडवात लग्नाच्या अक्षदा पडल्या

 बंधन सात जन्माचे आज बंधले 

 अग्निला साक्ष घेऊनी वचन दिले 

 स्वप्न आपले आता पूर्ण झाले

 शब्द ते माझे तुझ्याचसाठी...... 

 सोडून आले ते मी माहेर नवघरी

 पाऊल नव्या आयुष्यात टाकले

 बायको बनून आली तुझीच मी  

 संसार आपले आता पूर्ण झाले

 शब्द ते माझी तुझ्याचसाठी.......