शालेय जीवन
शालेय जीवन
ज्ञानाचा सागर म्हणजे शाळा
संस्काराचा गोड झरा म्हणजे शाळा
व्यक्तिमत्व विकासाचे वेगळे वेळान म्हणजे शाळा
मौजमस्तीचा वेगळाच थाट म्हणजे शाळा
कोपऱ्यातील प्रयोगशाळा आणि
ग्रंथालय म्हणजे शाळा
रोजचा रंगीत फळा म्हणजे शाळा
एक ठोका, दोन ठोके तर
टन टन वाजणारी घंटा म्हणजे शाळा
मैत्री आणि भांडणाची जोड म्हणजे शाळा
सकाळची प्रार्थना आणि दुपारचा भात म्हणजे शाळा
पाठीवर दप्तर आणि अंगात गणवेश म्हणजे शाळा
प्रत्येक विषयाचा एक नवा अंदाज म्हणजे शाळा
शिक्षकाच्या हातातील छडी म्हणजे शाळा
उत्तुंग जगाकडे बघणारी
केविलवाणी नजर म्हणजे शाळा
उरात साठवलेली असंख्य स्वप्न म्हणजे शाळा
आयुष्याच्या वळणावरच गोड स्वप्न म्हणजे शाळा
अशी माझी शाळा, अशी माझी शाळा !