शाळेतले दिवस

शाळेतले दिवस म्हणजे रम्य ते बालपण 

आणि यातूनच आलेलं खरेखुरे शहाणपण 

शाळेतले दिवस म्हणजे प्रयत्नांची पराकाष्ठा 

शाळेतले दिवस म्हणजे आपल्या मित्रांची एकनिष्ठा 

शाळेतले दिवस म्हणजे एकीचे एक उत्तम उदाहरण 

शाळेतले दिवस म्हणजे कर्तव्यनिष्ठतेचे अनुकरण 

शाळेतले दिवस म्हणजे सामान्य विश्वातलं असामान्य विश्र्व 

शाळेतले दिवस म्हणजे आयुष्याचे सर्वस्व 

शाळेतले दिवस म्हणजे आपल्या आवडत्या तासाची वाट पाहणे 

जर कोणी गैरहजर असेल तर पी टी च्या तासाची मागणी करणे 

शाळेचे दिवस म्हणजे घालण्यात आलेला तो धुमाकूळ 

पकडलो गेलो तरी नाव कोणाचे घ्यायचे नाही हे एकच मूळ 

शाळेतले दिवस म्हणजे पहिल्यापासून शेवटपर्यंत निभावणारी आपली मैत्री 

शाळेतले दिवस म्हणजे जीवन जगण्याची खात्री 

म्हणूनच म्हणतो शाळेतले आपले दिवस हे लई भारी 

अन् त्याहूनही आपली शाळा साऱ्या जगात न्यारी 

साऱ्या जगात न्यारी