सारे करूया नेत्रदान

कोणी असती जन्मांध

 कोणाला होतो अपघात 

 तो एक अपघात करतो

 त्यांच्या आयुष्याचा घात

आयुष्यामध्ये फक्त काळोख

 डोळ्यापुढे अंधारी रात्र 

त्या भयानक काळोखात

 शिथील पडती सारी गात्र

कोणी मागती रस्त्यात भीक

 कोणाचा संसार मोडतो

 हाकलून देती घरातूनही

 कोणी आपला जीव सोडतो

त्यांच्यासाठी करु कीलकीले

 एक दार उजेडाचे

जरी तुम्ही द्याल त्यांना

 दान तुमच्या नेत्राचे

मरणानंतर सारी सृष्टी

 पहा आपल्या डोळ्यांनी

दुसऱ्यांनाही द्यावी दृष्टी

 आणिक आपल्या डोळ्यांनी

तुमच्या डोळ्यांची एक बाहुली 

जन्मांधाची बने साऊली

विज्ञानाचा करुनी सन्मान 

करूया सारे नेत्रदान

करूया सारे नेत्रदान