सांज आसवांची
सांज आसवांची
1 min
241
पुन्हा केली तुजला आर्जवे माझ्या फुलांनी
अजून एक सांज तेव्हा भिजली आसवांनी
सांजावले नभा शामरंग कवळून गेले
भास तुझे किती अनामिक जवळून गेले
बोलाविले मी किती पण मज टाळले सुखांनी
अजून एक सांज तेव्हा भिजली आसवांनी
मी श्वास घेतले जे ते ही तुझेच होते
तुझे नाकारणे मलाही जुनेच होते
का हृदयवाक्य माझे नाकारले त्या मनांनी
अजून एक सांज तेव्हा भिजली आसवांनी
धरे आणली कितीदा मी माझी प्रीतस्वप्ने
अन् दाविली तुला तारकांची प्रीतरत्ने
त्या चांदण्यांस माझ्या ग्रहण लावले ऊन्हांनी
अजून एक सांज तेव्हा भिजली आसवांनी