सांग सोडू कसा !

हात गळ्यातील तुझा, आनंद देई मना

गंध श्वासातला, सांग मी सावरू कसा ?

मंद हास्य तुझे, फुलविते स्वप्न माझे

रोख हास्याचा, सांग मी समजू कसा ?

बोलके डोळे तुझे, दाखविती रंग नवे

नजरेचे बाण हे, सांग मी थोपवू कसा ?

मंजुळ स्वर तुझे, मोहविती जग माझे

स्वरांची मैफल, सांग मी आवरू कसा ?

मोहक रूप तुझे, घायाळ करते मला

यौवनाचे तेज हे, सांग मी रोखू कसा ?

घट्ट मिठी तुझी, सर्वस्वच देतसे मला

स्पर्श जिव्हाळ्याचा, सांग सोडू कसा ?