रक्षा करूया भारतमातेचे

भारतवासी आम्ही सारे

एक धरती एक वतन

हातात - हात घालूनी

हृदयास - हृदय जोडून ||

कोणी पंजाबी तर गुजराती

वेगवेगळे धर्म आमुचे

 रक्त सर्वांचे आहे सारखे

 पुत्र आम्ही कर्मभूमीचे ||

कोणी मुस्लिम तर मराठा

बालक आहोत या भूमीचे

 उंच उंच डोलवू तिरंगा

रक्षा करूया या मातेचे ||

कोणी बंगाली तर तमिळ

देशी-विदेशी एकत्र राहती

सगळ्यांनाच इथे सहारा

मिळून मिसळून सर्व राहती ||

आम्हीच आहोत भाग्यविधाते

या देशात जन्म घेऊनी

नाही थारा भ्रष्टाचाराला

विकास घडवू एक होऊनी ||