रेशीम बंध
रेशीम बंध
या रेशीम बंधात बंदिस्त
दोघे आपण प्रणयीजीव
मी तुझ्यात न् तू माझ्यात
होऊ मिसळूनी एकजीव
प्रेमाच्या या रेशीमगाठी
गुंफल्यात दोघांत प्रेमाने
फुलवून संसार सुखाचा
कमवूया धन श्रमघामाने
तुझ्या गुलाबी गालांवरती
सखी फुलले लाल कुसुम
सौंदर्य पाहूनी मी विस्मित
वाटते चुंबावे हे कपोलसुम
गंधाळल्या वाटा चहूबाजू
तुझ्याच सखी गं आगमाने
प्रीतीत धुंद होऊनी साऱ्या
मिसळल्या एकत्र संगमाने
ओढ अनावर ही लागली
सखी तुझ्याच मिलनाची
घट्ट मिठीत घेऊनी तुजला
लाल अधर तव चुंबनाची