रात्र

हवीहवीशी वाटते कधीतरी 

रात्रीची ही नीरव शांतता

स्तब्ध झालेले जग शांत झोपलेली वसुंधरा

 घरट्याकडे परतलेले पक्षी अन्

 पांघरलेल्या शाली वरती चांदण्याची नाजूक नक्षी  

साऱ्या जगाला थांबून घरी परतलेला हा दिनकर

 रात्रीचे सौंदर्य खुलविण्यासाठी आकाशात 

अवतरलेला हा शशीकर

 निळे निळे आकाश मंद वाहणारा हा वारा  

तळपत्या प्रभाकरास अलगद निजवून 

चंद्रिकांच्या समुहात नटलेला हा आसमंत सारा  

गर्द काळोखी शोभून दिसतो हा लुकलुकणारा तारा

अंगावर शहारे आणतो सुटलेला हा थंडगार वारा 

उत्तरली निशा ही घेऊन गंध कोवळा 

हर्ष होई मनी बघूनी

अंगणी सजलेला हा काजव्यांचा सोहळा