प्रवास अन् प्रवासी...
प्रवास अन् प्रवासी...
प्रवास हा रोजचाच
नाही फुरसत श्वास ही घ्याया
जीवघेणी ही ओढाताण
गरज की स्वतःशीच चढाओढ...
पण कशीच नाही मोडत
माणसाची हव्यासी खोड...
नित्याचाच प्रवास पण
आस नाही एकमेकांस...
तू-तुझे अन् मी-माझे
इतुकेच पुरले आयुष्यास...
जायचे नाही कुठेच
पण रोजचे हे हेलपाटे...
कधी होईल सारे सुरळीत
उगीच मनाला वाटे...
जगणे अवघड की
मरणे सोप्पे...
हा प्रश्न का पडावा...?
सगळे जाणून ही...
मोह न आवरावा...
प्रवास हा जन्म-मरणाचा
चालूच करत आहे...
आपण त्यातले फक्त एक प्रवासी
नाही कायमचे निवासी
हे प्रत्येकाने आवर्जुन जाणणे
अन् आपला प्रवास सुखकर करणे...