प्रश्न मनासी
प्रश्न मनासी
क्षणाचे भास ही खरे होतील कधी
रिते मन इतके अधिर कशासाठी
तेज सूर्याचे लेउनी किरणे येती
साक्ष तयांची मागते कुणासाठी
पावलो पावली तया खुणावती
ओळखीच्या खुणा कशासाठी
आजकाल एकटी वाटते सांज ती
क्षितिजामनी काळजी कुणासाठी
प्रश्नास उत्तर मिळेना का अंती
नियमात फेरफार तो कशासाठी
नशिबाची रेखा उजळते अशी की
ऋणांकित मन झुरते कशासाठी..
काळजातली सल ती विचारती
सांग न जगते ते ही कुणासाठी