प्रिय सखी तेजेश्वरी

प्रिय सखी तेजेश्वरी

आली तू माझ्या जीवनी |

भार्या मिळाली मजला

हर्ष झाला माझ्या मनी ||१||

 

बंध रेशीम गाठाचा

धरुनिया हाती हात

सप्तपदी पूर्ण केले

स्वप्न पुढील पहात  ||२||

प्रित झऱ्यात अमुची

जोड़ी बनली मित्राची |

माझ्या नावाने घातली

माळ मंगळसूत्राची ||३||

वट सावित्रीच्या दिनी

छान नटली सजून |

साड़ी माझ्या आवडीची

आज आहेस नेसून ||४||

सौभाग्याचं लेणं ठेवी

कुंकू लावुनिया भाळी |

साताजन्मी भेटण्यास

वट वृक्षाला ओवाळी ||५||

वट पौर्णिमेला आज

वृक्ष मिळूनी लावुया |

सत्यवान नि सावित्री

मग वृक्षात पाहुया ||६||

रक्षा पर्यावरणाची

करु दोघे कृपाठायी |

वटवृक्ष देई सदा

हवा शुद्ध प्राणदायी ||७||