प्रिय चहा

थकलेल्या मनाला उभारी देतोस,

कधी म्हटलं नाही मी ,

दिवसातील दोन वेळा ,

दिवसभर पुरतील,

ऐवढी उर्जा भरतोस ,

म्हणुन आज ठरवलयं ,

प्रिय चहा तुझ्याविषयी ,

थोडसं सांगावेसे वाटते,

नाही तु आहेस घातकच,

पण थोडासा घात ,

करून घ्यावासा वाटतो ,

कळते पण वळत नाही बघ,

तुझे दोन घुट ,

घुटात संजीवनी भरतोस,

आक्षेपार्हच आहे हे विधान,

पण माणसा ,

तु विषाचीच परीक्षा पाहतोस,

माफ करा मला पण

हा दूधाने भरलेला ,

साखरेचा गोडवा ,

बदामी रंगाचा कडकपणा,

हवा हवासा वाटतो ,

प्रिय चहा नक्कीच ,

तु कौतुकास पात्र ठरतोस...