प्रीतीचं झुळझुळ पाणी
प्रीतीचं झुळझुळ पाणी
*नयनांची अबोल ही प्रीती,जशी लुकलुकते चांदणी*
*शिंपीत चांदणे हे, प्रीतीचं झुळझुळ पाणी।। धृ।।*
छेडित मनीची तार, सूर झंकारले जीवनी
नाद गंधाळल्या वेळी, प्रीत जागली मनी
सप्तसूर सजवूनी साज,गीत आकारले जीवनी
*शिंपीत चांदणे हे, प्रीतीचं झुळझुळ पाणी*
*नयनांची अबोल ही प्रीती, जशी लुकलुकते चांदणी।।१।।*
कळीची उमलूनी भावना, प्रीत मोगरा बहरला मनी
लाजऱ्या गर्द कळीचे, प्रीतफुलं उमलले रानी
दरवळला आसमंत सारा,धुंद सुवास छेडूनी काननी
*शिंपीत चांदणे हे,प्रीतीचं झुळझुळ पाणी*
*नयनांची अबोल ही प्रीती, जशी लुकलुकते चांदणी।।२।।*
नजरेचे तव मधुर बाण, मज घायाळ करूनी
स्वप्नाळल्या जीवांची,भावना कोमल बहरूनी
आलिंगणात भिजली, एक चंचल हरिणी
*शिंपीत चांदणे हे, प्रीतीचं झुळझुळ पाणी*
*नयनांची अबोल ही प्रीती, जशी लुकलुकते चांदणी ।।३।।*
लाज गालीची खट्याळ,सजली पापणीत दाटूनी
गोड सख्याचा विळखा,घेई मजला वेढूनी
दो जीव प्रणयातील, तरले प्रीत सागरातुनी
*शिंपीत चांदणे हे, प्रीतीचं झुळझुळ पाणी*
*नयनांची अबोल ही प्रीती,जशी लुकलुकते चांदणी।। ४।।*