परी
परी
1 min
277
आवडली ईश्वराला ही कळी
नेले तिला आपल्याच स्वर्गी
कसं जगायचं मागच्यांनी
गेली सोडून ती तिच्या मार्गी
रडत भेकत माय सदा ती
जगतेय बघ मयतावाणी
तू सोडून जाताना गं परी
बोलली ती नको जाऊ राणी
जगणेही नरक बनलेय आता
मायचे बाळे हे तुझ्याविना
सांगून थकलेत बघ सारेजण
राहतेय ती अन्नपाण्याविना
घेऊन दुसरा जन्म मुली तू
येशील का तिच्याच गं पोटी
जीवात जीव येईल तिच्या
होतील बघ साऱ्यांच्याच भेटी
का रूसली ही कळी मजवर
विचारते ती प्रश्न हा साऱ्यांना
काय द्यावे उत्तर तिला आम्ही
देवा नेतो घरी अशाच पऱ्यांना