प्रदूषण मुक्ती

जिकडे पाहावे तिकडे

चालू आहे प्रदूषण

मानवचं ओढावून घेतोय

स्वतःवर संकट भीषण

येणाऱ्या या संकटाला

पळवून आपण लावू

येत्या पिढीला आपण

हिरवा निसर्ग दावू

रक्षिण्या आज स्वतःला

निसर्गाला वाचवावे लागेल

एक माणूस एक झाड

तरी खूप काही भागेल

असेल झाडे या मातेवर

तरच शोभा या जगण्याला

नाहीतर मिळणार नाही आता

पाणी देखील रडण्याला

विसरून सारा भेद

प्रत्येकाने पुढे यावे

होईल तसे साऱ्यांनी

आपले योगदान द्यावे

प्रशांत त्रिभुवन