फुलझाडांची खुशाली

बागेत आमच्या हंसली चमेली 

फुलून गेली अबोल अबोली 

शेवंती पिवळी तर बहरून गेली 

मोगरीची लता भलतीच आनंदली 

जाई जुईला नवीन टवटवी आली 

सदाफुली सदाबहार नाचू लागली 

लाल जास्वंदी अतोनात फुलली 

गुलाबाच्या पाकळ्यांची रंगत वाढली 

हिरव्या चाफ्याची कमालच झाली 

चाफ्याची कळी लपूनच राहिली

कुंडींतली गुलाबी लिली हंसली 

सोनचाफ्याला सोन्याची झळाळी आली 

कुंदीच्या जाळीची धुंदी पसरली 

भरगच्च अनंताची दृष्टच काढली 

नवीन लावलेली गोकर्ण शोभली 

कृष्णकमळीची वेल सजली धजली 

कवठी चाफ्याने मान डोलावली 

रातराणी तर दिवसाही भुलली 

फुलांची आरास पाहात मी चक्कर टाकली 

सगळ्या फुलझाडांची मला खुशाली कळली.