फराळ

फराळ

**************************

या त्या दुकानाचा फराळ घेऊन

या त्या घरी फिरवतो

दिवाळीच्या नावाने जणू आपण

फराळ घेऊन नुसते मिरवतो

**************************

पैसे देऊन वेळ वाचला खरं

त्याच बरोबर संपली ती गोडी

आजी , आई , मावशी , मामी, आत्या

फराळासाठी जमलेली त्यांची जोडी

***************************

तासनतास बसून केलेला फराळ

तीच खरी एक पंगत होती

वर्षातून एकदाच का होईना

त्यांची मेहफिल रंगत होती

***************************

स्वबळाने, स्वकष्टावर, हास्य ठेवून

त्या फराळाला मिळाला एक आकार

चकली , करंजी , शेव , शंकरपाळी , लाडू

नाना प्रकारचे पदार्थ झाले साकार

***************************

मनसोक्त बोलायचे तर

ते सर्व या दिवाळीत हरवले

तो फराळ आता जणू नाहीसा

माणसाने म्हणे नवे रीत ठरवले

***************************

येणाऱ्या काही वर्षात तर

घरगुती याला पूर्ण विराम लागेल

पैसे मोजून रीत घेणे

या विचाराने तो वागेल

***************************

हा तर सर्वांचा निजी प्रश्न

जो तो आपलेच ठरवणार

कुणी कुठला फराळ द्यायचा

लोकांना ते काय भरवणार

***************************

कौस्तुभ