"फक्त तुझी साथ हवी"

बदलविण्या महाराष्ट्र सारा

वर्षविण्या इथे घामाच्या धारा

घडविण्या जगी क्रांती नवी ,

मज "फक्त तुझी साथ हवी" ॥

आणण्या कातळांना कळा सोनियाची

माळरानावर काढू पिके मोतियांची

भुकेल्याना सदा देण्या भाकरी

मज "फक्त तुझी साथ हवी" ॥

चालविण्या देशातील प्रत्येक साचा

हाती घेऊ हात भविष्याचा

देशात सदा नांदण्या शांती

मज "फक्त तुझी साथ हवी" ॥

परशत्रूशी जवान लढती

प्राणांचे बलिदानही करती

उभारण्या हे निशाण तिरंगी

मज "फक्त तुझी साथ हवी" ॥

असेल अपुला पुर्नजन्म तर

पुन्हा जगावे याच भुमीवर

करण्या देशासाठी मागणी

मज "फक्त तुझी साथ हवी" ॥