पहिला पाऊस...

तिच्यासोबत छत्रीतून जातानाचा पाऊस गमतीचा,

तिच्यासोबत शेअर केलेला वडापाव लाख किमतीचा.

कमरेभोवती हात टाकतानाचा क्षण मोठ्या हिमतीचा,

आठवतोय तो पहिला पाऊस पहिल्या-वहिल्या प्रीतिचा!!

गोमट्या अंगावरती तिच्या उठला काटा भीतीचा,

हुलकावणी देणारा तो ठेका तिच्या छातीचा,

लुच्चेगिरी करणारा तो पाऊस पुरुष-जातीचा,

आठवतोय तो पहिला पाऊस पहिल्या-वहिल्या प्रीतिचा!!

श्वासात भरला तो दरवळ ओल्या मातीचा,

नयनी साठला उजेस थरथरत्या ज्योतीचा.

तिला जवळ आणणारा पाऊस मोठ्या करामतीचा,

आठवतोय तो पहिला पाऊस पहिल्या-वहिल्या प्रीतिचा!!

तिज गाली विसावला थेंब झाला मोत्याचा,

तोल ढाळू पाहणारा बेत तो त्या रातीचा.

बेहोश झालेला माहौल अवतीभोवतीचा,

आठवतोय तो पहिला पाऊस पहिल्या-वहिल्या प्रीतीचा!!