पैलतीरी
पैलतीरी
तूची असे करविता
नसे चिंता मज उरी
माझ्या आयुष्याची नाव
सोपविली तव करी
येता कितीही संकटे
तूच आहे माझा त्राता
भय नुरते मजला
तूच विश्वाचा विधाता
मद मोह मत्सराचा
नको नावेत वावर
आयुष्याची नाव माझ्या
तूची सदाची सावर
सदा घडो तुझी सेवा
मुखी नाम निरंतर
तूची दिले सर्व काही
तुझा न व्हावा विसर
तव कृपा प्रसादाचा
राहो हात मज शिरी
आयुष्याची नाव माझी
तूच लाव पैलतीरी