कोरे पान
कोरे पान
1 min
3
येती मनात विचार
पाहूनिया कोरे पान
शब्द शिल्पकार दावी
भाव उमटूनी छान
भाव मनीचे खुलले
क्षणी झरता लेखणी
कधी भक्तीचे प्रेमाचे
भासे लेखणी देखणी
चित्रकारे कुंचल्याने
चित्र काढले सुंदर
केले निसर्ग दर्शन
कोरेपान मनोहर
आला पहा कलाकार
दावी पहा कलाकृती
देत आकार पानास
झाल्या विविध आकृती
नको व्यय कागदाचा
घालू पानांची सांगड
-हास नको वनश्रीचा
घेऊ ध्यानी परवड.