पावसाची सर

रिमझिम पावसाची सर

 आज आली  

मनात दडवून ठेवलेल्या आठवणींचा भाग झाली  

सारेच क्षण ओले 

झाले पावसाच्या सरीत

ठोठावला मनाचा दरवाजा हलकाच तू तुझ्या भासाने स्वप्नांना बघ आज जाग आली  

भिजली मग मी ही चिंब 

बेधुंद होत गिरक्या घेत रे सख्या 

जणू त्या फुगडीतली 

मल्हार राग झाली 

पारिजातकाला आनंद झाला 

वारा ही मंदधुंद वाहला 

लाज लाजऱ्या जुई वेलींची फुलबाग

 ही आज अधिक प्रफुल्लित झाली  

तृप्त झाली धरा पावसाची सर ही धरेवर विसावली 

झाडे- वेली पशुपक्ष्यांसह सारीच आज रे सुखावली...