लाइब्रेरी
प्रोफाइल
पाऊस
पाऊस
1 min
275
माझ्या अंगणी पाऊस
गंध घेऊनिया आला
थेंब थेंब पावसाचा
पानोपानी ओघळला
मन वीणा झंकारली
आठवांचा सूर छेडता
अंग अंग मोहरले
ओठी तुझे नाव येता
धुंद करूनिया गेला
तनु गंध तो बावरा
आवरू कसे नकळे
खुळ्या ह्या मन पाखरा
नादावूनी पाऊसही
रिक्त होऊनिया गेला
रिमझिम बरसुनी
मन गाभारा भरला
अभिषेक आसवांचा
केला असा स्मरणानी
चित्त सैरावैरा झाले
स्मृतीगंध आठवूनी
