पाऊस गौळण
पाऊस गौळण
1 min
431
काय करू मी कस ग जावू
शालु पावसानं भिजला
ग बाई शालू पावसानं भिजला ll
आजच बाई घडी मोडली
जरतारी मी शालू नेसली
अवचित आला कान्हा होवूनी
धीर ग त्यांनी सोडला
काळा जांभळा गर्द निळा
टपून बसला अवचित वेळा
भारलेला खाली वाकला
रिती रिवाज त्यांनी मोडला
टप टप टप चाल चतुराची
नक्षी विणले मोर पिसांची
पडता थेंब कणा कणातूनी
केसराचा वास सुटला
ग बाई शालू पावसाने भिजला