पाऊल पाऊल चालना

माझ्या सवे सख्या ,

पाऊल पाऊल चालना ,

स्पर्शून मनास माझ्या ,

चाहूल चाहूल देना ...

वेडावितो भास तुझा ,

मन माझे ऐकेना ,

कशी सावरू स्वतःला ,

कानात माझ्या बोलना ...

शब्द माझे कविता तुझी ,

छंद हा तुला कळेना ,

मी लिहिते तुला ,

तू मला वाचना ...

सावल्यांचा पाठलाग करता ,

दिशा कोणती कळेना ,

हरवली स्वप्न व्युहात,

बाहेर तू ओढना ...

चिंब चिंब भिजायचे मला ,

बरसात प्रेमाची करना ,

चालू सप्तपदी सवे ,

पाऊल पाऊल चालना ...