पांडुरंग अभंग

अगा पांडुरंगा । धाव पाव मला ।

काय सांगू तुला । माय बापा ।।

कित्येक आले रे । कित्येक गेले रे ।

खेळ निराळे रे । पांडुरंगा ।।

वारीत आलेलो । तुला भेटलेलो ।

तुला नडलेलो । कृपेसाठी ।।

तू रे अवखळ । तू रे निष्ठुरकी ।

खेळ खेळालासी । लपाछपी ।।

शोधूनी दमलो । पुरता थकलो ।

पाण्यात भिजलो । पावसाने ।।

आता म्हणतोस । तुझ्यातच होतो ।

काहीही सांगतो । लडीवाळा।।

कसारे असा तू । बेफिकीर बाप ।

लेकराना ताप । उगा देसी ।।

आत्ताच सांगतो । भार तुझ्यावर ।

मीच टाकणार । जन्मोजन्मी ।।

कृपावन्त मीच । भाग्यवन्त मीच ।

माय बाप तूच । माझ्यासाठी ।।