ऑनलाईन शिक्षण
ऑनलाईन शिक्षण
कोरोनाचा झाला असा कहर
आमच्या शाळा झाल्या बंद
लिहिणे नाही वाचणे नाही
शिक्षणाशी तुटला संबंध
काळजी लागली प्रत्येकांना
लहान मुलांच्या शिक्षणाची
अनेक उपाययोजना केल्या
भर ऑनलाईन शिक्षणाची
श्रीमंतांची लेकरं शिकू लागली
हातात टॅब मोबाईल घेऊन
गरिबांची लेकरं फिरू लागली
हातात शेणाची टोपली घेऊन
आजच्या ऑनलाईन शिक्षणाने
वाढू लागली विषमतेची ही दरी
सर्वाना समान शिक्षण मिळेना
ज्ञानाचा दिवा पेटेना गरिबांच्या घरी
खेडेगावात मिळेना मोबाईलची रेंज
बोलणेच होत नाही कुठलं इंटरनेट
ऑनलाईन शिक्षणात गाडी रुतली
गरीबांचे शिक्षणाशी होत नाही भेट
गरीबांच्या लेकरांसाठी काही
ठोस उपाययोजना करायला हवे
सर्वच घटकांतील विद्यार्थ्यांना
शिक्षण मिळण्याची सोय व्हावे