लाइब्रेरी
प्रोफाइल
ओढ पावसाची
ओढ पावसाची
1 min
124
लहान होऊनी सरीमध्ये
चिंब भिजूनी जाण्याची
लागली वेड्या मना
ही ओढ पावसाची
मेघ दाटले अंबरी
कर कृपा तू बरसण्याची
अधीर कवेत घेण्या तुला
घाई वसुंधरेची
बरस तू आता तहान भागव धरतीची
लागली वेड्या मना
ही ओढ पावसाची
बळीराजाही नयन लावूनी
पाहतोय आशेने नभाकडे
घाम गाळूनी मोती पिकवण्या
धावतोय शेताकडे
शिवार फुलुनी धान्यांनी ओंजळ भरु दे त्यांची
लागली वेड्या मना
ही ओढ पावसाची
सरीता ही कोरडी पडली
वृक्ष-वेली सुकून गेली
पशूपक्षी वाट पाहती तुझ्या आगमनाची
लागली वेड्या मना
ही ओढ पावसाची
लहान होऊनी सरीमध्ये
चिंब भिजुनी जाण्याची
लागली वेड्या मना
ही ओढ पावसाची
