गेले दिस मज तू फिरुनी देशील का

स्वप्नात माझ्या तू येशील का,

गेले दिस मज तू फिरुनी देशील का..

आठवणींच्या हिंदोळी मज झूलविशी,

विरहाच्या खाईत मज लोटशी..

सारे पाश तोडूनी तू परत येशील का,

गेले दिस ते फिरुनी मज देशील का..

हिरावुनी घेतली तू स्वप्न सारी,

मम हृदय तुडवुनी ठेविले किनारी..

माझ्या सवे तू स्वप्न कवेत घेशील का,

गेले दिस ते फिरुनी मज देशील का..

मज पासूनी तू दूरदूर जाशी,

मजवरी तू का असा रुसलाशी..

आनंदाचे क्षण मजसवे वेचशील का,

गेले दिस ते फिरुनी मज देशील का..

स्वप्नात माझ्या तू येशील का,

गेले दिस मज तू फिरुनी देशील का.