नवजीवन !!

भरणार नाही घाव मनीचे ,

फुंकर घालू देशील का ?

विसरून साऱ्या वेदनांना ?

पुन्हा नव्याने हसशील का ?

              दुःख तुझे आहे मणभर ,

              सुखाची ओंजळ घेशील का ?

              विसरून सारं माझ्यासाठी ,

              पुन्हा नव्याने हसशील का ?

जगण्याची वाट अडखळली ,

साथ माझी घेशील का ?

विसरून तुझी वाट वेगळी ,

माझ्यासोबत येशील का ?

               शेवटपर्यंत देईन साथ ,

               जपेन तुला जीवापाड !

               विसरून भूतकाळाला ,

               डाव नवा तू मांडशील का ?

आयुष्य नव्याने जगशील का ?

विसरून सारं जाशील का ?

पुन्हा नव्याने बहरशील का ?

पुन्हा नव्याने हसशील का ?