नक्षत्राचा शालू

नक्षत्रांचा शालू

लग्नाच्या पहिल्या वाढदिवसाला

सजनाने दिली एक छानशी पैठणी

सजली सजणी अलंकारांनी 

जणू भास ती शुक्राची चांदणी.....

पैठणीवरील नक्षीकाम जाळीदार

मोर नाचरा थुई थुई पदरावर

नक्षत्रांचा भरजरी शालू सजणीला

भेट पहिली ही फारच भरदार...

पैठणीचा सुवास दरवळला चौफेर

ओळखीचा हीना अत्तराचा 

सुगंध ह्रदयाच्या कुपीत साठलेला

वाढदिवस पहीलाच दोघांच्या लग्नाचा....

नक्षत्रांचा शालू हा भरजरी 

आठवणीत राहिल जीवनभरी

पाहीन जेव्हा हा पैठणी शालू 

उलगडतील जीवनातील सुखाच्या सरी....