लाइब्रेरी
प्रोफाइल
नको वागू येड्यावानी
नको वागू येड्यावानी
1 min
87
अरे वांझोट्या ढगा
ये घेऊन पाऊस
बरस रे कवातरी
नको असाच जाऊस
तुझा पिंजका कापूस
कशी आटली र माया
भेगाळली सारी भुई
चटके बसतील पाया
पाणी नाही आभाळात
पाणी भरलं डोळ्यात
तडफडतोय जीव
जशी मासोळी जाळ्यात
कसं जगवू घरदार
कशी वाचतील ढोरं
लागला जीवाला घोर
नशिबी फासाचा दोर
बरंसलं कवातरी
करू पुन्यांदा पेरणी
नको घेऊ फास बाबा
नको वागू येड्यावानी
आपुल्या बी शेतामंदी
येईल बहरं पिकाला
वाट आपल्या घराची
कधी दिसलं सुखाला
बाबा जरा ध्यानी ठेव
बायकापोरं लेकराला
आता मात्र उघड्यावर
नको टाकुस आम्हाला
