नका करू आम्हास पोरके
नका करू आम्हास पोरके
नऊ महिने ओझे वागवूण
साहू अनंत प्रसव कळा
तुझे कोमल मुख पाहताच
सर्व यातना दूर झाल्या बाळा...१!
तुझ्या बाललीला पाहतांना
धन्य वाटे मज आईपण
तुझे संगोपन करताना होई
जीवनाचे सदैव रे रण...२!
आनंदले तुज वाढवताना
होता म्हातारपणची काठी
तुज घडवताना रात्रंदिन
यश मिळवण्यास होते पाठी...३!
घेतलीस उंच उंच भरारी
यश लोळण घेई पायी
नाव,शिक्षण,संपत्ती मिळता
परदेशी जाण्याची तुज घाई....४!
उर समाधानाने भरले माझे,
आनंद गगनात ही मावेना
बाळ परदेशी जाणे काही
आईच्या मनाला भावेना....५!
समजावून सांगे बाळास
जाऊ नकोस असा रे दूर
नको करू आम्हास पोरके
आईच्या अश्रुला येई पूर...६!