निवडणुकीचं वारं ...सैराट झालं

निवडणुकीचे पडघम वाजले

ढोलताशे पदयात्रेने शहर गाजले

शिक्कामोर्तब झाले देशभक्तीचे

लोकशाहीच्या जत्रेला उधाण आले

स्वयंवर ठरले लोकशाहीचे

स्वयंभू सज्ज झालेत नेते

कोणाच्या गळ्यात पडेल वरमाला

पैश्याच्या जोरावर विकत घेतात मते

देठापासून बेंबीच्या ओरडत

धुरा देशाची आमच्याच खांद्यावर

मंचावर गळचेपी रात्री गळाभेट

कोंबड्या बकऱ्या निजल्या मद्यावर

घोटाळ्यांना लागले डोहाळे विकासाचे

निवडणुकीच्या वाऱ्याने सैराट झाले सारे

दलबदलू नेते लोकशाहीचा कर्दनकाळ

यथाशक्ती घेतात तुमचाचं समाचार बरे

लोकशाहीला साजेसं व्यक्तिमत्त्व निवडा

संविधानाने चालणाऱ्यालाचं मतदान करा

जनहितार्थ नाही केले कार्य तर

परतीच्या अधिकाराचा पूर्ण वापर करा